يا مليك العز، يا تاج القلوب

دام عزك يا حمد فوق السحاب

عد ما نسنس من الغربي هبوب

وعد ما فاضت ينابيع وشعاب

لك محبٍ بالوفا يأبى الهروب

ما يشوش الا على طعن الحراب

الأديب اللي لكم داس الخطوب

في عزايم نهضة الحر المُهاب

شاعرك يا سيّدي لا ما يلوب

شامخٍ من فوق تلعات الهضاب

انشد البحرين عن شوقٍ طروب

شوق شاعر بالوفا دايم مجاب

الأديب اللي لكم شب الشبوب

وائليٍ لا دعيته ما يهاب

شاعرك يا سيّدي ما هو كذوب

ما يروم وما يقول الا الصواب

ما يشوفك غير أفيون الشعوب

يا مليكٍ ما يدوس الا الصعاب

إي نعم يا فارس امجاد العتوب

لك أديبٍ وين ما فل الكتاب

فاحت امجادك أناسيم وطيوب

في خيالٍ جاك ودٍ وانسكاب

من شروق الشمس يا لين الغروب

أقبل اللي يا حمد يأبى الغياب

موقعٍ عن شاعر امجادك ينوب

من حدود ابها الى دار الضباب

عشت يا حرٍ على الدنيا تجوب

من أجل شعبك بلا حد وحساب

في زمن ثورات واجرام وحروب

أشهد انك ما تقهويت السراب

يا المليك اللي لنا شق الدروب

وجنّب البحرين تدمير وخراب

في غروب الشمس بالعزم الدؤوب

اقبل آيات الفخر والإنتساب

من رفاع العز يا لين الجنوب

دام لا حارس ولا يوجد حجاب

حي فالك يا القصيد اللي تذوب

في صفات العاهل اللي ما يُعاب

إيه ابو سلمان ما عنه نتوب

قالها اللي بالفخر عالي جناب

يحفظ الله تاجنا نبض القلوب

المليك اللي ولا فيض السحاب

شـاعـركـم: سـلمـان بـن حـمـد بـن عـلـي آل خـليفـة