عسى يا زين قلبك ما نسانا

وتذكّرنا وتتمنى لقانا

عسى ما خنت عشرتنا القديمة

وعسى ما مات في قلبك هوانا

وعسى ما زلت تذكر يا حبيبي

ليالي كنت يا لغالي معانا

نجوب البرّ وبلاج الجزاير

أنا وياك ما حيّ ٍ سوانا

وعسى ما زال في قلبك موده

وعساك اليوم ما ترضى بشقانا

حبيب الرّوح من بعدك تعبنا

نفكر فيك يالغالي ترانا

ليالي طوال ما شفنا السعادة

ولا ذقنا طعمها من عنانا

صبرنا لين من بعدك هلكنا

حبيب الرّوح ما هذا جزانا

تخلينا نعاني من فراقك

ولكن الأيام تضحك من أذانا

ثمان شهور ومن بعدك ننادي

ولكن رحت ما همّك ندانا

بعد فرقاك عفنا من يبينا

وهجرنا كل من بعدك شرانا

ثمان شهور من بعدك نردد

عسى يا زين قلبك ما نسانا