لفاني العيد والغالي بعيدي
وبعد ما غاب أنا وش عاد بإيدي
حسافة بعد عشرتنا الطويلة
يصير الزين قلبه من حديدي
وينسى للأسف ذيك الليالي
ويتركني بها لدنيا وحيدي
أشيل هموم لا يحصى عددها
ومع الأيام أحزاني تزيدي
بعد فرقاه سهران الليالي
واترجم له معاناتي بقصيدي
ولكن للأسف ما هو بسامع
صحيح الزين في طبعه عنيدي
أنا وش حيلتي بنور الصبايا
بعد ما صار عن عيني فقيدي
خسارة غيّر الغالي طريقه
وقطع عرق المودّة من الوريدي
وأردد يا خليفة من عذابي
لفاني العيد والغالي بعيدي