خذيتي القلب وأصبح لك رهيني

ولا لك في وسط قلبي وزيني

إذا شفتك ولو أنك بعيدة

أحس أنك قريبة من حنيني

أطالع في جمالك وأتمنى

عسى قلبك على قلبي يليني

سحرتيني ولكن ما دريتي

إذا شفتك يزيد الشوق فيني

صحيح إني بعيد اليوم عنك

وأكيد إنك بعد ما تعرفيني

ولكن رغم هذا شعوري

يطول الشرح عنه صدقيني

وربّ البيت لو شفتك دقيقه

لأجيب الشمس لعيونك بيديني

وأخلي الحور لعيونك جواري

وأبيع الناس كلهم لو تبيني

أنا مفتون في روعة جمالك

فديتك يا بعد روحي وعيني

أبي منك تجيني لو رسالة

وبعدها لو سمحتي تعذريني

إذا مثلي جميع الناس قالت

خذيتي القلب وأصبح لك رهيني