هلا بلـّـي سحرني في كلامه

وملك قلبي بعطفه واحترامه

بعد ما غاب عن عيني حبيبي

راجع لي اليوم ما فيها ملامه

وفرحت بجيته من كل قلبي

وليل الحزن ودعّني ظلامه

ورفعت الصوت للغالي أهلّي

بعد ما طاب للفكر انسجامه

حقيقة جيّته هذي عظيمة

وبعد ما مت احياني بسلامه

حبيبي .. صاحبي يعجز لساني

أوّصف بالشعر معنى غرامه

وبعد ما ردّ لي شفت السعادة

وصار الجو صافي من كتمامه

حقيقة اليوم ما مثلي سعيدٍ

بعد ما عشت في حزن وندامه

ألا يا من يوصّلها شعوري

ويكسب أجر قلبي ببتسامه

عساها بس ما تنسى هوايه

وتلملم ما بقي لي من حطامه

وتعيد أيامنا الحلوة معاها

وتبني الحب من عقب انهدامه

وإلا مت من سبّه غلاها

وعليها نحت مثلات الحمامة

إذا عادت يرد الشوق فيني

وإذا راحت تبي تشلع خيامه

وعليها مت من حسرة فؤادي

وعشت بليل يرهبني ظلامه

عساها ما تسافر عن مكاني

بعد ما زاد قلبي في هيامه

ما دام اليوم جتني في رضاها

لها كررت شعري بالسلامة

هلا بلي تبي عيني تشوفه

وملك قلبي بعطفه واحترامه