يا زين زولك دوم يطري على البال

واشتاق لعيونك تخاطب عيوني

لله جبرني فيك يا زين الأشكال

قلبي يبيك ولا يبي من يبوني

يا زين تكفي تسعد القلب بوصال

ياليت ما تخيّب مشاعر ضنوني

من عقب عينك صار بالقلب ولوّال

ولولاك ما زادت سبايب جنوني

بعثت لك مرسال من بعد مرسال

خايف على حبي بعينك يهوني

ومن زود شوقي فيك يا سمح الأقبال

ا من ذكرتك ما تغمّض جفوني

أسهر وأفكر فيك في كل الأحوال

وعاديت منهم عن هواك اعذلوني

وشيدت لك في داخل القلب منـزال

وغنيت بك أجمل مشاعر فنوني

عليك يا زين الوصايف والأفعال

الناس يا خلي ترى يحسدوني

شعرك ظلام الليل والرمش قتال

والخد براقٍ ينير السكوني

إن غبت ليل اليأس يا صاحبي طال

وإن جيتني كل البشر عايدوني

يا فرحة أيامي وشوقي والآمال

خلك على قلبٍ يحبك حنوني

ا تجرحه بالبعد وإلا بالأهمال

ألطف على قلبٍ بحبك فتوني

معنى كلامي ما يجي فيه تبدال

اشتاق لعيونك تخاطب عيوني