يا بو محمد صاحبي زين الأوصاف

ما شفت مثله في جميع الولايف

عليه قلبي بالخفا يرجف أرجاف

وعليه قلبي دايم الدوم خايف

مرّه يجيني طايع الشور ميلاف

ومرّه يجيني من التفاكير عايف

جاوب صدى صوتي إذا جاك هتـّاف

أكتب وعطني الحل فوق الصحايف

آمشي معه قدّام أو أرجع أخلاف

عطني جوابك كان ما في كلايف

جروحي من المحبوب ما كانت خفاف

يا ليتها يا شيخ كانت خفايق

أبو ثليلٍ سارحٍ فوق الأكتاف

يبهر عيوني بالشعر والردايف

من حسنه الفـتّان للقلب خطّاف

أموت في حبه وذيك الشفايف

لو كان أبو محمد مثل ما شفت أنا شاف

صارت جروحه مثل حالي نزايف

لولا غلاة الزين ما قلت بالقاف

أبيات شعرٍ بالمعاني طرايف

دام السبب يا مسندي زين الأوصاف

الموت أهون من ضياع الولايف