روحي تحبك يا حبيبي وتغليك
وتشفق على شوفك ونظرة محياك
يا بلسم جروحي ، جروحي تناديك
تسمع صدى صوتٍ من العام ناداك
تعال يا حلم الليالي بأياديك
تمسح على جرح التجافي بيمناك
أرجوك جاوبني عسى الله يخليك
وعوّد على قلبٍ يحبك ويهواك
وأعاهدك لو جيت ما عاد أخليك
تزعل على روحي وتختار فرقاك
جاوب وسامحني وعوّد لماضيك
وأهمس أحبك يا عسى الروح تفـداك
أنا الذي برموش عيني أغطيك
وأموت وأحيا بكلمةٍ من شفاياك
ما قلت لك من بُدّة الناس شاريك
وأشتاق لك لو كنت يا زين ويّــاك
وأفرح بشوفك يا حبيبي وطاريك
واحتاج لك واحتاج اسمع حكاياك
ولو طالت الفرقى وطوّل تجافيك
وغبت ونسيت اللي يحبك ويرجاك
ملزوم تعرف لو تجاوزت داعيك
وقفّلت باب الحب وانهيت ذكراك
لك شاعرٍ في كل ليلٍ يغنيك
روحي تحبك يا حبيبي وتهواك